જામનગર શહેર અને જીલ્લામાં ગતરોજ વરસાદી માહોલ યથાવત રહ્યો પણ નોંધપાત્ર કહી શકાય તેવી મેઘમહેર માત્ર બે તાલુકાઓ જામજોધપુર અને કાલાવડમાં જ જોવા મળી..આ બન્ને શહેર ઉપરાંત આસપાસના ગ્રામીણ વિસ્તારો પાણી પાણી થઇ ગયા…આજે સવારે 6 કલાકે પૂર્ણ થતા ચોવીસ કલાક દરમિયાન તાલુકા મથકના વરસાદના આંકડાઓ જોડીયામાં 1 ઇંચ, કાલાવડમાં અડધો ઇંચ, લાલપુરમાં પોણો ઇંચ તો જામજોધપુરમાં 7 ઇંચ વરસાદ નોંધાયો છે.

તો ગ્રામીણ વિસ્તારોના PHC સેન્ટરોમાં નોંધાયેલ આંકડાઓ પર નજર કરવામાં આવે તો…કાલાવડના નવાગામમાં 4 ઇંચ, મોટા પાંચ્દેવડામાં 1 ઇંચ વરસાદ તો જામજોધપુર તાલુકાના સમાણા અને શેઠવડાળામાં 3 ઇંચ, જામવાડીમાં 4 ઇંચ, વાંસજાળિયામાં સાડા ચાર ઇંચ, ધુનડામાં સવા ઇંચ, ધ્રાફા અને પરડવામાં પોણા ચાર ઇંચ વરસાદ નોંધાયાનું સામે આવ્યું છે.

The post જામનગર જીલ્લાના કાલાવડ અને જામજોધપુર પંથકમાં મેઘમહેર..ક્યા ગામમાં કેટલો વરસાદ.? appeared first on My Samachar.

જામનગર જિલ્લામાં પાયલોટ પ્રોજેક્ટને કારણે જમીન માપણીઓમાં થયેલ ગોટાળાઓ પૂર્ણ થવાનું નામ લેતા નથી…ખુદ મંત્રીઓ, ધારાસભ્યો, પૂર્વ સાંસદ પણ આ વિભાગ બરોબર કામ ના કરતો હોવાની ટકોર ભૂતકાળમાંઅનેક વખત કરી ચુક્યો છે. માટે જ હવે રાજ્યના મહેસુલ વિભાગની સુચના બાદ જમીન દફતર ખાતાની કામગીરીનું તાલુકા કક્ષાએ વિકેન્દ્રીકરણ કરવામાં આવ્યું છે.

નાગરિકોને જમીન દફતર સંબંધિત સેવાઓ માટે જિલ્લા મથક સુધી જવું ન પડે અને તેમના રહેઠાણની નજીક જ ત્વરિત સેવાઓ ઉપલબ્ધ થાય તે માટે જામનગર જિલ્લામાં 7 નવી તાલુકા કક્ષાની કચેરીઓ નીચે દર્શાવેલા નવા સ્થળ અને સરનામે કાર્યરત કરવામાં આવી છે.

1. *જામનગર શહેર:* જમીન દફતર નિરીક્ષક કચેરી જામનગર (શહેર), મોજણી ભવન, ગ્રાઉન્ડ ફ્લોર, જિલ્લા સેવાસદન, શરૂ સેકશન રોડ, જામનગર.

2. *જામનગર ગ્રામ્ય:* જમીન દફતર નિરીક્ષક કચેરી જામનગર ગ્રામ્ય, સેવાસદન-૩, લાલ બંગલો કંપાઉન્ડ, પ્રથમ માળ, જામનગર.

3. *કાલાવડ:* જમીન દફતર નિરીક્ષક કચેરી કાલાવડ, તાલુકા સેવા સદન, પ્રથમ માળ, ધોરાજી રોડ, કાલાવડ.

4. *ધ્રોલ:* જમીન દફતર નિરીક્ષક કચેરી ધ્રોલ, જૂનું કોર્ટ બિલ્ડિંગ, જોડિયા નાકા પાસે, જોડિયા રોડ, ધ્રોલ.

5. *જોડીયા:* જમીન દફતર નિરીક્ષક કચેરી જોડીયા, તાલુકા સેવા સદન, પ્રથમ માળ, જોડીયા.

6. *લાલપુર:* જમીન દફતર નિરીક્ષક કચેરી લાલપુર, જ્ઞાનદિપ વિદ્યામંદિર, પટેલ શેરી, જૂની શાક માર્કેટ રોડ, લાલપુર.

7. *જામજોધપુર:* જમીન દફતર નિરીક્ષક કચેરી જામજોધપુર, સ્ટેશન પ્લોટ, અંજુ ભગવાનદાસ પારવાણીનું મકાન, મામલતદાર કચેરી સામે, જામજોધપુર.

નવી વ્યવસ્થા અમલી બનતા હવેથી જમીન દફતર ખાતાની તમામ વહીવટી કામગીરીઓમાં વેગ આવશે. અગાઉ નાગરિકોએ પ્રોપર્ટી કાર્ડ માટે સિટી સર્વે કચેરીએ અને જમીન માપણી માટે ડી.આઈ.એલ.આર. કચેરીએ અલગ-અલગ જવું પડતું હતું, તેના બદલે હવે તાલુકા કક્ષાની આ એક જ કચેરીમાંથી જમીન માપણી, પ્રોપર્ટી કાર્ડ, સ્વામિત્વ યોજના સહિતની તમામ સેવાઓ એકસાથે મળી રહેશે.

જામનગર જિલ્લાના તમામ નાગરિકોને જમીન રેકર્ડ, માપણી અને પ્રોપર્ટી કાર્ડ સહિતની વિવિધ સેવાઓનો લાભ લેવા માટે પોતાના તાલુકાની સંબંધિત કચેરીનો સંપર્ક સાધવા કલેક્ટર પી.બી.પંડ્યા દ્વારા અખબારી યાદીમાં જણાવાયું છે.સાથે જ સુપ્રિન્ટેન્ડેન્ટ લેન્ડ રેકોર્ડ્સ કમ એકત્રીકરણ અધિકારી એચ.એસ. રબારી દ્વારા આ સેવાઓનો સ્થાનિક કક્ષાએ વધુમાં વધુ લાભ લેવા નાગરિકોને અનુરોધ કરાયો છે.

The post જામનગર:જમીન માપણી, પ્રોપર્ટી કાર્ડ અને સ્વામિત્વ જેવી કામગીરી માટે લોકોએ જીલ્લામથકે ધક્કો ખાવો નહિ appeared first on My Samachar.

અઢી દાયકા પૂર્વેનો એ ચર્ચાસ્પદ બનેલ કેસ ફરી ત્યારે તાજો જયારે એ કેસમાં સંડોવાયેલ ત્રણ તબીબોને અદાલતે 24 વર્ષની કાનૂની લડત બાદ નિર્દોષ છોડી મુકવાનો હુકમ કર્યો… આ કેસની વકીલે આપેલ હકિકત એવી છે કે,

ગુજરાત આર્યુવેદીક યુનીવસીર્ટીના મદદનીશ કુલ સચીવ અરવીંદ બારાઈ ધ્વારા જામનગર સીટી ‘બી’ ડીવી.પોલીસ મથકમાં એવી ફરીયાદ નોંધાવેલ કે, 2002 માં ગુજરાત આર્યુવેદીક યુનિવર્સીટીમાં સેનેટની ચુંટણી કે, જે અલગ અલગ જીલ્લામાં યોજાયેલ અને તેમાં મતદાન કરવામાં આવેલ તેમાં ઉમેદવારોએ બોગસ ઓળખપત્રો છપાવી અને અન્યના નામે ખોટું મતદાન કરી અને ચુંટણી જીતવાની કોશીશ કરેલ છે અને આ તમામ ખોટા ઓળખપત્રોના આધારે મતદાન કરેલ, જે મતદાન કાર્ડ મતગણતરી દરમ્યાન મતપેટીમાંથી નીકળતા જે તે વખતે મતદાન કમીટી દ્વારા તેવા ઓળખપત્રો કબજે કરી શીલ કરેલ અને ગુજરાતના 23 સેન્ટર પર આ મતદાન કેન્દ્ર ખોલવામાં આવેલ

જે પૈકી કુલ 171 બોગસ ઓળખપત્રો મળેલ, અને તેથી ગુજરાત આર્યુવેદીક યુનિવર્સીટીએ  વિજીલન્સ ઓફીસરોને તપાસ સોંપેલ અને તપાસના અંતે સેનેટની ચુંટણીના ઉમેદવારી નોંધાવનાર ડો.અક્ષય રમણલાલ સેવક, ડો.સંજય પ્રભુદાસ જીવરાજાની, તથા ડો. નરેન્દ્રકુમાર ઠાકોરદાસ શાહ આ ત્રણ  સામે જામનગર સીટી ‘બી’ ડીવી.પોલીસ મથકમાં બોગસ દસ્તાવેજો બનાવી અને ચુંટણીમાં ગેરરીતી કરી અને ગુનાહીત કાવતરૂ રચવાનો ગુનો નોંધાયેલ અને તેમાં આરોપીઓની અટક કરવામાં આવેલ હતી,

આ કેસ તે સમયે જામનગરમાં ખુબજ ચર્ચાસ્પદ થયેલ અને આ કેસ જામનગરની અદાલતમાં ચાલેલ અને તેમાં આર્યુવેદીક યુર્નીવસીટીના રજીસ્ટ્રાર તેમજ મદદનીશ કુલ સચિવની જુબાની લેવાયેલ, તેમજ તપાસમાં કુલ 63જેટલા સાક્ષી સાહેદોની જુબાની લેવામાં આવેલ, તેમાં અલગ અલગ જીલ્લાના ડોકટર્સ તથા તપાસ કરનાર અધિકારીની પણ જુબાની લેવામાં આવેલ અને 24 વર્ષના લાંબા સમય સુધી આ કાનુની ન્યાની લડત ચાલેલ અને તમામ પુરાવા બાદ આરોપી ડોકટર્સ તરફે દલીલો કરવામાં આવેલ કે, રાજકીય કીન્નાખોરીથી ચુંટણીમાં જીતવા માટે આરોપીઓ ખોટી રીતે સંડોવી દીધેલ છે, અને આ ડોકટર્સ ભવિષ્યમાં પણ ચુંટણીમાં ઉભા ન રહે અને આ આર્યુવેદીક યુનીર્વસીટીના કોભાંડો અને ગે૨રીતિઓ બાબતે કોઈ રજુઆતો ન કરે તેટલા માત્ર આશયથી સંડોવી દીધેલ છે,

આ તમામ રજુઆતો બાદ જામનગરની અદાલત ધ્વારા આરોપીઓને નિર્દોષ ઠરાવી અને છોડી મુકવાનો હુકમ કરેલ છે, આરોપીઓની 24 વર્ષની લડાઈના અંતે ન્યાય મળતા આરોપીઓના પરીવારજનોએ રાહતનો શ્વાસ લીધેલ છે, આ કેસમાં આરોપીઓ ડો.અક્ષય રમણલાલ સેવક, ડો.સંજય પ્રભુદાસ જીવરાજાની, તથા ડો. નરેન્દ્રકુમાર ઠાકોરદાસ શાહ તરફ જામનગરના ખ્યાતનામ  વકીલ રાજેશ ડી. ગોસાઈ, વિશાલ વાય. જાની, હરદેવસીહ આર. ગોહીલ, રજનીકાંત આર. નાખવા, નિતેષ જી. મુછડીયા તેમજ કરન. કે. પટેલ રોકાયેલા હતા.

The post ગુજરાત આયુર્વેદ યુનિવર્સીટી સેનેટની ચૂંટણીમાં બોગસ વોટીંગ કરવાનો એ કેસ, 3 ડોક્ટર 24 વર્ષે નિર્દોષ appeared first on My Samachar.

જામનગરના ફિલ્મમેકર કૃશાંગ વડગામાની શોર્ટ ફિલ્મ *”લોસ્ટ એન્ડ ફાઉન્ડ”*ને વધુ એક મોટી સિદ્ધિ મળી છે. પુણે, મહારાષ્ટ્ર ખાતે યોજાયેલા ગ્લોબલ ઈન્ડિયા ઈન્ટરનેશનલ ફિલ્મ ફેસ્ટિવલમાં ફિલ્મને ‘બેસ્ટ ડ્રામા 2026 – શોર્ટ ફિલ્મ’ એવોર્ડથી સન્માનિત કરવામાં આવી છે. આ સમગ્ર ફિલ્મનું શૂટિંગ જામનગરમાં કરવામાં આવ્યું છે. ફિલ્મને અત્યાર સુધી 11થી વધુ રાષ્ટ્રીય અને આંતરરાષ્ટ્રીય ફિલ્મ ફેસ્ટિવલ્સમાં ઓફિશિયલ સિલેક્શન મળ્યું છે અને વિવિધ મંચો પર પ્રદર્શિત કરવામાં આવી છે.

ફિલ્મમાં જાણીતા ગુજરાતી અભિનેતા સ્વ.જય વિઠલાણીના પુત્ર દર્શ વિઠલાણી, યોગ ધ્રુવે અને સુગ્નેશ ભટ્ટ મુખ્ય ભૂમિકામાં જોવા મળે છે. આ ફિલ્મની સૌથી ખાસ વાત એ છે કે કૃશાંગ વડગામાએ એકલા હાથે ફિલ્મના લેખન, દિગ્દર્શન, સિનેમેટોગ્રાફી, એડિટિંગ, ડી.આઈ., સાઉન્ડ ડિઝાઇનિંગ અને પ્રોડક્શન સહિતની તમામ મહત્વની જવાબદારીઓ નિભાવી છે. ફિલ્મ હાલમાં યુટ્યુબ પર ઉપલબ્ધ છે, જેથી દર્શકો તેને નિહાળી શકે છે. ઉપરાંત, કૃશાંગ વડગામા જામનગરના પ્રથમ એવા દિગ્દર્શક બન્યા હોવાનું જણાવવામાં આવે છે જેમની ફિલ્મ IMDb પર નોંધાઈ છે. આ સિદ્ધિ જામનગરના ફિલ્મક્ષેત્ર માટે ગૌરવની બાબત માનવામાં આવી રહી છે.

The post જામનગરના યુવા ફિલ્મમેકર કૃશાંગ વડગામાની શોર્ટ ફિલ્મને આંતરરાષ્ટ્રીય સન્માન appeared first on My Samachar.

ગુજરાતમાં ચોમાસાની શરૂઆત અને નવા શૈક્ષણિક સત્રને ધ્યાનમાં રાખીને રાજ્ય સરકારના શિક્ષણ વિભાગે તમામ સરકારી, ગ્રાન્ટેડ અને ખાનગી સ્કૂલો માટે વિશેષ સેફ્ટી ગાઈડલાઈન જાહેર કરી છે. ભારે વરસાદ, પૂર જેવી પરિસ્થિતિઓ દરમિયાન વિદ્યાર્થીઓની સુરક્ષા સુનિશ્ચિત કરવા માટે આગોતરા પગલાં લેવા સૂચના આપવામાં આવી છે.

પરિપત્ર અનુસાર, ચોમાસા દરમિયાન સ્કૂલમાં અથવા વિદ્યાર્થીઓ સાથે કોઈપણ પ્રકારની દુર્ઘટના ન બને તે માટે વરસાદ શરૂ થાય તે પહેલાં તમામ જરૂરી સમારકામની કામગીરી પૂર્ણ કરવાની રહેશે. સ્કૂલોમાં લટકતા વીજ વાયરો, ઈલેક્ટ્રિક ફિટિંગ્સ, દિવાલો અને છતની મરામત સહિતની કામગીરી સમયસર પૂર્ણ કરવા જણાવાયું છે. જરૂરિયાત મુજબ સ્થાનિક તંત્રની મદદ લેવાની પણ સૂચના આપવામાં આવી છે.

ગુજરાતમાં ચોમાસાના પ્રારંભ સાથે જ સરકારે સ્કૂલો માટે સેફ્ટી ગાઈડલાઈન જાહેર કરી છે. આચાર્ય-શિક્ષકોને સ્કૂલમાં વરસાદ પહેલા ઇલેક્ટ્રિક સમારકામ સહિતના કામો પૂર્ણ કરવા આદેશ કરાયો છે. દુર્ઘટના ટાળવા લટકતા વાયરો દૂર કરવા, વોટર સ્પાઉટ સાફ કરવા તથા ડિઝાસ્ટર મેનેજમેન્ટ પ્લાનનો અમલ કરવા જણાવાયું છે.

સરકારે સ્કૂલોને છત પરના વોટર સ્પાઉટની સફાઈ કરવા, વધુ પાણી ભરાતી જગ્યાઓ સ્વચ્છ રાખવા, જૂના અને જોખમી ફર્નિચરને દૂર કરવા તેમજ એમસીબી  જેવી સુરક્ષા વ્યવસ્થાઓ કાર્યરત રાખવા જણાવ્યું છે. ઉપરાંત, જોખમજનક વિસ્તારોમાં ચેતવણી દર્શાવતા બોર્ડ લગાવવાના રહેશે.

વિદ્યાર્થીઓની સુરક્ષાને ધ્યાનમાં રાખીને અન્ડરગ્રાઉન્ડ પાણીની ટાંકીઓને લોક મારીને બંધ રાખવાનો પણ આદેશ કરવામાં આવ્યો છે. ચોમાસા દરમિયાન કોઈ આપત્તિ સર્જાય તો તેનો અસરકારક રીતે સામનો કરી શકાય તે માટે દરેક સ્કૂલમાં સ્કૂલ ડિઝાસ્ટર મેનેજમેન્ટ પ્લાનનો અમલ કરવો ફરજિયાત બનાવવામાં આવ્યો છે.

આ ઉપરાંત, સ્કૂલોના નોટિસ બોર્ડ પર સ્થાનિક તલાટી, ડોક્ટર, તરવૈયા, ફાયર બ્રિગેડ સેવા અને એમ્બ્યુલન્સ સહિતના મહત્વના સંપર્ક નંબર લખવા  તાકીદ કરવામાં આવી છે. ભારે વરસાદ અથવા પૂર જેવી સ્થિતિમાં આચાર્ય અને શિક્ષકોને પૂર્વ મંજૂરી વિના મથક ન છોડવા પણ સૂચના આપવામાં આવી છે.

વિદ્યાર્થીઓની સુરક્ષાને ધ્યાનમાં રાખીને જર્જરિત ઓરડાઓમાં કોઈપણ સંજોગોમાં વિદ્યાર્થીઓને બેસાડવા નહીં તેમજ આવા સ્થળે બેરિકેટિંગ અને ચેતવણીના બોર્ડ લગાવવા આદેશ કરાયો છે. શાળાના મેદાનમાં પાણી ભરાઈ ન રહે તેની વ્યવસ્થા કરવી તેમજ શાળા સુધી પહોંચવાના માર્ગ પર પાણી ભરાવાની સ્થિતિ સર્જાય તો તેની જાણ વાલીઓને સમયસર કરવી પડશે.

સરકારના આ પગલાંનો મુખ્ય હેતુ ચોમાસા દરમિયાન વિદ્યાર્થીઓની સલામતી સુનિશ્ચિત કરવો અને કોઈપણ પ્રકારની દુર્ઘટના અટકાવવાનો છે.

-જામનગરમાં પણ સૂચનાઓ અપાઈ ગઈ છે:જીલ્લા શિક્ષણાધિકારી:વિપુલ મહેતા

રાજ્ય સરકારની આ માર્ગદર્શિકા અંગે જામનગરમાં શું..? તેના જવાબમાં જીલ્લા પ્રાથમિક શિક્ષણાધિકારી અને ઇન્ચાર્જ જીલ્લા શિક્ષણાધિકારી વિપુલ મહેતાએ જણાવ્યું હતું આવેલ માર્ગદર્શિકાનું ચુસ્ત પાલન થાય તે માટે તમામ શાળાઓ શહેર અને જીલ્લાની જે કોઈ છે તેને આ માર્ગદર્શિકા મોકલી અને કડક પાલન કરવાનો પત્ર પણ પાઠવવામાં આવ્યો છે.

The post રાજ્ય સરકારની 32 મુદ્દાની માર્ગદર્શિકા,જામનગરની તમામ શાળાઓને પણ અમલવારી માટે સૂચના આપતા DEO appeared first on My Samachar.

ચોમાસું બારણે દસ્તક આપી રહ્યું છે, ભલે ગત 15 દિવસ નોંધપાત્ર વરસાદ નથી રહ્યો પણ ચોમાસાની ઋતુ હજુ બાકી છે ત્યારે જયારે પણ વરસાદ પડે સ્થાનિક તંત્ર એટલે કે જામનગર મહાનગરપાલિકા સંપૂર્ણ સજ્જ હોવી જોઈએ તેવું કમિશ્નરનું માનવું છે અને માટે જ તેવોએ લગત બ્રાન્ચોના અધિકારીઓ સાથે એક ખાસ બેઠક કરી હતી.

આગામી ચોમાસાની ઋતુને ધ્યાનમાં રાખીને જામનગર શહેરને વધુ સજ્જ બનાવવા માટે કમિશનર દીપેશ કેડિઆના અધ્યક્ષસ્થાને મહત્વપૂર્ણ બેઠક યોજવામાં આવી હતી. આ બેઠકમાં મહાનગરપાલિકાના અધિકારીઓ અને દરેક વોર્ડના એન્જિનિયર ખાસ ઉપસ્થિત રહ્યા હતા…

બેઠક દરમિયાન શહેરમાં વિવિધ વિસ્તારોમાં ચાલી રહેલી પ્રિ-મોન્સૂન કામગીરીની ઊંડાણપૂર્વક ચકાસણી કરવામાં આવી હતી. ખાસ કરીને સંભવિત વોટર લોગિંગ સ્પોટ્સ, ડ્રેનેજ વ્યવસ્થા, સ્ટોર્મ વોટર નેટવર્ક અને વરસાદી પાણીના ઝડપી નિકાલ અંગે વિસ્તૃત સમીક્ષા અને આયોજન કરવામાં આવ્યું હતું..ચોમાસા દરમિયાન જામનગરના નાગરિકોને કોઈપણ પ્રકારની હાલાકીનો સામનો ન કરવો પડે અને તેમને વધુ સારી સુવિધા તથા રાહત મળી રહે તે સુનિશ્ચિત કરવા માટે કમિશનરે અધિકારીઓને તમામ તૈયારીઓ આટોપી લેવા સૂચનાઓ આપી હતી.

The post વરસાદ આવે ત્યારે મનપા કેટલું સજાગ.? કમિશનરે અધિકારીઓ સાથે કરી બેઠક appeared first on My Samachar.

જામનગરમાં જીએસટીમાં કૌભાંડ કરનારાઓ પર ગાળિયો વધુ મજબુત થઇ રહ્યો છે, ભલે આવા કૌભાંડીઓ ભૂગર્ભમાં ઉતરી જાય પણ જીએસટી વિભાગે આવા કૌભાંડીઓને કઈ રીતે સકંજામાં લેવા તેનું હોમવર્ક પૂર્ણ કરી લીધું છે અને આગામી દિવસોમાં મોટા કડાકા ભડાકાની સંભાવનાઓ એસ.જીએસટી વિભાગ સાથે સંકલાયેલ આધારભૂત સુત્રો માહિતી આપતા જણાવે છે કે…

જામનગર જિલ્લામાં છેલ્લા ઘણા સમયથી ચાલતા બોગસ બિલિંગના સંગઠિત નેટવર્ક સામે રાજ્ય વેરા વિભાગે અત્યાર સુધીની સૌથી મોટી કાર્યવાહી હાથ ધરી હોવાનું જાણવા મળે છે.સમગ્ર કાર્યવાહી દરમિયાન 20થી વધુ સ્થળોએ એકસાથે સર્ચ, દસ્તાવેજોની ચકાસણી અને ડિજિટલ પુરાવાઓ એકત્ર કરવાની કામગીરી હાથ ધરવામાં આવી હતી.તપાસ દરમિયાન એક પછી એક ફર્મોની કડીઓ ખુલતી જતા વધુ શંકાસ્પદ ફર્મો સામે આવી હોવાનું જાણવા મળે છે.

અનેક સ્થળોની સ્પોટ વેરિફિકેશન દરમિયાન વ્યવસાયનું વાસ્તવિક અસ્તિત્વ ન મળતા ઘણી ફર્મોને Non-Genuine Taxable Person (NGTP) તરીકે ગણવા યોગ્ય પુરાવાઓ મળી આવ્યા છે.અનેક ફર્મોના દસ્તાવેજી માલિક અલગ હોવા છતાં વાસ્તવિક કામગીરી અન્ય વ્યક્તિઓ દ્વારા સંચાલિત થતી હોવાનું તપાસમાં સામે આવ્યું છે.

તપાસ દરમિયાન અનેક ડિજિટલ ડેટા, મોબાઇલ, કમ્પ્યુટર અને હિસાબી દસ્તાવેજોની પણ વિગતવાર તપાસ કરવામાં આવી રહી છે. સંડોવાયેલા વ્યક્તિઓની મિલકતો અંગેની વિગતો સબ-રજિસ્ટ્રાર કચેરી, આવકવેરા વિભાગ તથા અન્ય સરકારી સ્ત્રોતોમાંથી એકત્ર કરવામાં આવી રહી છે. જેના આધારે આગામી સપ્તાહ દરમિયાન કરોડો રૂપિયાની મિલકતો પર Attachmentની કાર્યવાહી શરૂ થઈ શકે છે.

તો કેટલાક સંડોવાયેલા કૌભાંડીઓ દ્વારા મિલકતો અન્યના નામે ટ્રાન્સફર કરવાનો પ્રયાસ થઈ રહ્યો હોવાની માહિતી મળી છે. આવા તમામ વ્યવહારો ઉપર રાજ્ય વેરા વિભાગ સતત નજર રાખી રહ્યું છે. જો તપાસથી બચવા માટે મિલકતોના ટ્રાન્સફરનો પ્રયાસ કરવામાં આવશે તો તેવા વ્યવહારો સામે પણ કાયદાકીય કાર્યવાહી હાથ ધરાશે.

તપાસમાં એક સામાન્ય Modus Operandi સામે આવ્યો છે, જેમાં માલ એક જગ્યાએથી ખરીદવામાં આવે છે જ્યારે ઇન્વોઇસ અન્ય બોગસ ફર્મોમાંથી મેળવી ખોટી રીતે ITC પાસ કરવામાં આવે છે. Mandovara Trading Co. સાથે સંકળાયેલા પિતા-પુત્રની ધરપકડ બાદ સમગ્ર નેટવર્ક અંગે મહત્વપૂર્ણ માહિતી વિભાગને મળી છે.આ તપાસમાંથી મળેલા ઇનપુટના આધારે અન્ય કેટલાક મોટા બોગસ બિલિંગ રેકેટ્સ પણ વિભાગની નજરમાં આવ્યા છે, જ્યાં ટૂંક સમયમાં કાર્યવાહી થઈ શકે છે.

બ્રાસ ઉદ્યોગમાં હાલ “કાચા હિસાબથી વ્યવહાર” કરવાની ચર્ચાઓ ચાલી રહી છે, પરંતુ વિભાગ આવા તમામ વ્યવહારો પર સતત ટેકનિકલ તથા ફીલ્ડ લેવલ મોનિટરિંગ કરી રહ્યો છે. હવે માત્ર બોગસ GST નોંધણી રદ કરવા પૂરતું નહીં, પરંતુ મોટા પાયે ITC Block, બેંક ખાતાઓ પર કાર્યવાહી, મિલકત Attachment તથા બોગસ બિલો લેવા વાળા વેપારીઓ સુધી તપાસનો વ્યાપ વધારવાની તૈયારી કરવામાં આવી રહી છે.Nઅધિકારીક સુત્રો કહે છે રાજ્ય વેરા વિભાગ આગામી સમયમાં બોગસ બિલિંગ સામે વધુ આક્રમક અભિયાન હાથ ધરશે અને સમગ્ર રાજ્યમાં આવા નેટવર્ક સામે સઘન કાર્યવાહી ચાલુ રહેશે.

The post SGST હજુ સખ્ત કાર્યવાહી કરશે, બોગસ બિલિંગના માસ્ટરમાઈન્ડ ભૂગર્ભમાં ભલે ઉતરી ગયા પણ….. appeared first on My Samachar.

સામાન્ય રીતે ગુજરાતમાં 15 જુન આસપાસ સતાવાર વરસાદી મોસમનો પ્રારંભ થઇ જતો હોય છે પણ આ વખતે દસેક દિવસ ચાલ્યા ગયા પણ વરસાદ નોંધાયો નથી ત્યાં તો મનપાનું પાણી મપાઈ ગયું છે, કારણ કે મનપાએ એક પ્રેસનોટ જાહેર કરી અને પાણી બચત અંગેનો સંદેશો આપી દીધો છે.

જામનગર મહાનગરપાલિકાની વોટર વર્કસ શાખાની અખબાર યાદી દ્વારા જણાવવામાં આવે છે કે, જામનગર શહેરને પાણી પૂરું પાડતા ઉંડ-૧ ડેમ, સસોઈ ડેમ તથા આજી-૩ ડેમ માં ફક્ત 31 જુલાઈ સુધીનો પાણી પુરવઠો હાલે ઉપલબ્ધ છે ચાલુ સાલે અલ-નીનો પરિસ્થિતિઓ અને સંભવિત વિલંબિત ચોમાસા અથવા ઓછી માત્રામાં વરસાદ પડવાની શકતાને ધ્યાનમાં રાખીને ઉનાળાની પરિસ્થિતિ દરમિયાન પાણીની માંગમાં ઊભી થતી કોઈપણ પ્રતિકૂળ પરિસ્થિતિને પહોંચી વળવા માટે આગોતરી તૈયારી જાળવી રાખવા અને પાણી માટેનો એક્શન પ્લાનને ધ્યાને રાખી પાણીની બચત કરવાના હેતુસર જામનગર શહેરમાં હાલે કુલ 12 ઝોન પૈકી 6 ઝોનમાં દૈનિક પાણી વિતરણ ચાલુ છે તેમાં નવા પાણીની આવક ન થાય ત્યાં સુધી તમામ ઝોનમાં એકાંતરાના ધોરણે પાણી વિતરણ કરવાનું નક્કી કરવામાં આવેલ છે.

ઉપરાંત એમ.ઈ.એસ/ડીફેન્સ ને સપ્લાય થતા પાણીના જથ્થામાં ૨૦% કાપ મુકવાનું નક્કી કરેલ છે. તદુપરાંત વરસાદમાં વિલંબના સંજોગોમાં પણ શહેરીજનોને પીવાના પાણી મળી રહે તે માટે મહાનગરપાલિકા દ્વારા ઉક્ત ત્રણેય ડેમ મળી કુલ ૫૦૦ એમ.સી.એફ.ટી રો-વોટર સૌની યોજના મારફત ડેમમાં ઠલવાય તેવું આયોજન કરવામાં આવેલ છે.

શહેરમાં નવી ડેવલોપ થઇ રહેલ સોસાયટીઓમાં  નવા પાણીના જોડાણ આપવાની કામગીરી હાલે પુરતી સ્થગિત રાખવાનું નક્કી કરેલ છે. માપાણી પૂરું પાડતા તમામ ડેમોમાં ચોમાસા દરમ્યાન વરસાદ આવ્યા બાદ ડેમમાં નવા પાણીની પુરતી થયા બાદ સ્ટેપ બાય સ્ટેપ દૈનિક પાણી વિતરણ ફરીથી ચાલુ કરવામાં આવશે.

આમ હાલની પરિસ્થીતીને ધ્યાને રાખી ડેમમાં ઉપલબ્ધ જ્ત્થામાં બચત થાય તેવા હેતુસર તમામ ઝોનમાં એકાંતરા પાણી વિતરણમાં આવશે જેનું સીડ્યુલ અને સમય અગાઉના પાણી વિતરણ મુજબનું રહેશે.આ અખબારી યાદી પર લોકોમાં ચર્ચા છે કે દસ દી મોડો વરસાદ થયો ત્યાં મનપાનું પાણી મપાઈ ગયું…!?

જયારે દૈનિક પાણી વિતરણની જાહેરાત કરવાની હતી એટલે કે ત્યારે જસ લેવાનો હતો ત્યારે તત્કાલીન મેયરે જાહેરાત કરી હતી પણ હવે જયારે પાણીકાપની જાહેરાત કોઈ પદાધિકારીએ નહિ પણ વોટર વર્કસ વિભાગે આ જાહેરાત કરવાની ફરજ પડી છે.

The post 10 દિવસ વરસાદ પાછળ ગયો ત્યાં મનપાનું પાણી મપાઈ ગયું….! appeared first on My Samachar.

જામનગર શહેરની જનતાએ જેના પર ભરોસો મુક્યો તે ભારતીય જનતા પાર્ટીના જામનગર મહાનગરપાલિકાના 16 વોર્ડ માટે 64 પૈકી 60 સભ્યો જામનગર શહેરના મતદારોએ ભાજપને આપ્યા જેથી જામનગર મનપામાં હાલ ભાજપનું શાસન છે. પણ હવે તો પાંચ વર્ષે ચૂંટણી આવશે ત્યાં સુધી આપણે સભ્ય એટલે કે કોર્પોરેટર તો છીએ જ…આવો મિજાજ જામનગર મહાનગરપાલિકાના મોટાભાગના ચૂંટાયેલ સભ્યોનો જોવા મળી રહ્યો છે.અને તેને લઈને મોટી નારાજગીનો સુર લોકોમાં જોવા મળે છે.

શાશક જૂથના મહિલા અને પુરુષ આમ બન્ને સભ્યો માટે અલગ-અલગ હાઈક્લાસ AC ઓફીસો છે પણ ચૂંટાયેલ મહિલાઓ કે પુરુષ સભ્યોને અહી નથી બેસવામાં રસ કે નથી તેમના વિસ્તારના કોઈ કામો કરવામાં રસ…હવે જે મનપાનું ઉમરુ ના ચઢતા હોય તે તેમના વિસ્તારોમાં શું કામ કરતા હશે..? કેટલાક લોકો તો કહે છે કે અમને ખબર નથી અમારા વિસ્તારમાં કોણ કોપરેટર છે..!

મનપાના જાણકાર સુત્રો કહે છે કે દરરોજ સવારે અડધો કલાક કે કલાક આ ચેમ્બરો ખુલે છે સાંજે તો કાયમી બંધ જ રહે છે.એટલે કે એક પ્રકારની ઉદાસીનતા નવા સભ્યોમાં જોવા મળી રહી છે.અરે ભાઈ તમને લોકોએ મતો આપીને અહી મોકલ્યા છે ત્યાં બેસો લોકોના કામોની રજુઆતો કરો…વિસ્તારમાંથી આવતા લોકોને શક્ય તે મદદરૂપ થાવ…તેમને જરૂરી યોજનાઓ માટે ફોર્મમાં સહી કરી આપો….પણ આપણે હવે કોર્પોરેટર તો બની ગયા બીજું શું જોઈએ…તે માનસિકતા સાથે આગળ વધી રહેલ સભ્યો માટે પ્રજાની નારાજગીનો સુર જોવા મળી રહ્યો છે. હા અમુક સભ્યો એવા પણ જે દૈનિક ધોરણે મનપામાં આવે છે બેસે છે અને શક્ય તે કામો પણ કરે છે જે અપવાદ ગણી શકાય.

વધુમાં સ્થાનિક ભાજપના એક નેતા માહિતી આપતા જણાવે છે કે કોર્પોરેશન તો ઠીક પાર્ટી લેવલના કાર્યક્રમોમાં પણ નવા જુના 60 સભ્યોની સૂચક ગેરહાજરી જોવા મળી રહી છે જેને પક્ષ ગંભીરતાથી લઇ રહ્યું છે અને આગામી દિવસોમાં પક્ષ આ અંગે પગલા લેવાના મુડમાં પણ છે.

The post જામનગર મનપામાં ચૂંટાયેલ સભ્યોનો મિજાજ ચૂંટાઈ ગયા એટલે પૂરું..?? appeared first on My Samachar.

જામનગર શહેર ચોતરફ દિનપ્રતિદિન વિકસી રહ્યું છે. વિકસી રહેલ શહેરની સાથે શહેરની વસ્તી પણ વધી રહી છે,.પહેલા બે મહાકાય રીફાઈનરીઓ જામનગર આસપાસ હતી હવે ત્રીજી મહાકાય કંપનીના પગરવ પણ જામનગરમાં થઈ રહ્યા છે. ત્યારે શહેરની જરૂરિયાતોને લક્ષ્યમાં રાખીને જામનગર મનપાની પ્રોજેક્ટ એન્ડ પ્લાનિંગ શાખા દ્વારા નવા નવા અને દુરંદેશી આયોજનો પ્લાન થઇ રહ્યા છે.આવું જ એક અનેરું અને સમયની સાથે જરુરીયાતવાળું આયોજન એટલે મલ્ટી પર્પઝ કલ્ચરલ કોમ્પલેક્ષ અને ઓડિટોરિયમ….. આ નામ આમ તો મોટા શહેરો માટે સીમિત હતું પણ આ નામ હવે જામનગરમાં પણ જોવા મળશે કારણ કે શહેરના વિકસી રહેલા હાપાના ઇસ્કોન મંદિર નજીક જયારે દોઢ વર્ષ બાદ આ આકાર પામશે ત્યારે બહુવિધ સુવિધાઓથી ભરપુર આ કોમ્પલેક્ષ અને ઓડીટોરીયમ શહેરના લોકોની સુવિધામાં ચોક્કસથી વધારો કરનારું બનશે તેવો દાવો જામનગર મનપા દ્વારા કરવામાં આવી રહ્યો છે.

જામનગર મહાનગરપાલિકા દ્વારા શહેરના સાંસ્કૃતિક વિકાસને નવી દિશા આપવા માટે એક મહત્વાકાંક્ષી પ્રોજેક્ટ હાથ ધરવામાં આવ્યો છે. આ પ્રોજેક્ટ અંતર્ગત રૂ. 35.21 કરોડના ખર્ચે મેગા સિટીમાં હોય તેવું જ અત્યાધુનિક મલ્ટી પર્પઝ કલ્ચરલ કોમ્પલેક્ષ અને ઓડિટોરિયમનું નિર્માણ કરવામાં આવશે. આ પ્રોજેક્ટ આકાર પામશે ત્યારે જામનગરના કલા, સાહિત્ય અને સાંસ્કૃતિક ક્ષેત્ર બહુવિધ ઉપયોગી બનશે

આ કોમ્પલેક્ષ જામનગરથી હાપા તરફ જતા રસ્તા પર ઇસ્કોન મંદિરની પાછળના ભાગે મેઈન રોડથી તદન નજીક કુલ 1,89,838 ચોરસ ફૂટના વિશાળ વિસ્તારમાં વિકસાવવામાં આવશે. તેમાં ગ્રાઉન્ડ પ્લસ ત્રણ માળનું ભવ્ય ઓડિટોરિયમ બિલ્ડિંગ બનશે, જેનો બાંધકામ વિસ્તાર આશરે 70,000 ચોરસ ફૂટનો રહેશે. આ અત્યાધુનિક સુવિધામાં 2,850 ચોરસ ફૂટના બે ઓડિટોરિયમ હોલ, 2,600 ચોરસ ફૂટનું વિશાળ સ્ટેજ અને 1,000 ચોરસ ફૂટનો ખાસ રિહર્સલ રૂમ ઉપલબ્ધ કરાશે. કલાકારો માટે 6 ગ્રીન રૂમ, વી.આઈ.પી. રૂમ અને આર્ટિસ્ટ રૂમની પણ વ્યવસ્થા કરવામાં આવશે.

ટેકનિકલ સુવિધાઓમાં સમગ્ર ઓડિટોરિયમ સેન્ટ્રલ એર કન્ડિશનિંગ (AC), સાઉન્ડપ્રૂફ અને એકોસ્ટિક વ્યવસ્થા, ફોલ્સ સીલિંગ, આધુનિક બેઠક વ્યવસ્થા, ઓટોમેટિક કર્ટન (પડદા) અને પ્રોજેક્ટર રૂમથી સજ્જ હશે.
વાહનવ્યવહાર અને પ્રવેશ માટે વિશાળ પાર્કિંગ વ્યવસ્થા, 6 સ્ટેરકેસ, 8 લિફ્ટ અને 9 મીટર પહોળો એક્સેસ રોડ બનાવાશે. કલા પ્રવૃત્તિઓ માટે 2,850 ચોરસ ફૂટની આર્ટ ગેલેરી અને તેટલા જ વિસ્તારનું આધુનિક કાફેટેરિયા પણ ઉપલબ્ધ થશે.

-આગામી દોઢ વર્ષમાં બનીને થઇ જશે તૈયાર. ..
આ મલ્ટી પર્પઝ કલ્ચરલ કોમ્પલેક્ષ અને ઓડિટોરિયમનું કામ હાલ પુરજોશમાં ચાલી રહ્યું છે.મનપા કમિશ્નર દીપેશ કેડિયા, નાયબ કમિશ્નર દેવેન્દ્રસિંહ ઝાલા, સીટી ઈજનેર ભાવેશ જાનીના સીધા માર્ગદર્શનમાં આ કામ ગુણવતાવાળું અને વર્ષો સુધી ઓછું મેઈન્ટેનન્સ માગે તે રીતે ચાલી રહ્યું છે. આ અંગે અધિકારી જણાવે છે કે ડીસેમ્બર 2027માં આ મલ્ટી પર્પઝ કલ્ચરલ કોમ્પલેક્ષ અને ઓડિટોરિયમનું કામ પૂર્ણ થયે શહેરીજનો તેનો ઉપયોગ કરીને આનંદિત થશે.

-લગ્નસરાના પ્રસંગો માટે આ સ્થળ બેસ્ટ પ્લેસ બનશે….
સાંસ્કૃતિક કોમ્પલેક્ષની સાથે-સાથે સામાજિક અને અન્ય પ્રસંગો માટે એક ભવ્ય પાર્ટી પ્લોટ પણ વિકસાવવામાં આવશે. તેમાં 47,613 ચોરસ ફૂટનો વિશાળ ઓપન પાર્ટી પ્લોટ વિસ્તાર, 1,700 ચોરસ ફૂટનો ઇન્ડોર હોલ સાથે 8 રૂમ, 1,650 ચોરસ ફૂટનું કિચન બિલ્ડિંગ, સ્ટોર રૂમ અને વોશ એરિયાનો સમાવેશ થાય છે. આ ઉપરાંત, 6,000 ચોરસ ફૂટનું અલાયદું પાર્કિંગ તેમજ લેડીઝ-જેન્ટ્સ માટે ટોઇલેટ બ્લોક પણ બનાવાશે.

-હવે એક માત્ર ટાઉનહોલ જ નહિ પણ ટાઉનહોલને પણ ટક્કર મારશે આ સ્થળ…

જામનગર શહેરમાં હાલમાં સાંસ્કૃતિક કાર્યક્રમો માટે એકમાત્ર ટાઉનહોલ જ ઉપલબ્ધ છે. શહેરની વધતી વસ્તી અને સાંસ્કૃતિક પ્રવૃત્તિઓના વ્યાપને જોતાં, આ નવો પ્રોજેક્ટ શહેરની લાંબા સમયથી ચાલી આવતી જરૂરિયાતને પૂર્ણ કરશે અને અત્યંત ઉપયોગી સાબિત થશે.

The post મેગાસિટીમાં હોય તેવું નહિ તેનાથી સારું મલ્ટી પર્પઝ કલ્ચરલ કોમ્પલેક્ષ અને ઓડીટોરીયમ બનશે જામનગરમાં આ સ્થળે… appeared first on My Samachar.